ភ្នំពេញ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានរំលឹកជាថ្មីជំរុញទៅដល់ស្ថាប័នធនាគារនិងមីក្រូហិរញ្ញវត្ថុប្ដឹងរូបអូសទ្រព្យសម្បត្តិពីជនណាដែលជំពាក់លុយហើយដើរបំផុសបំផុលកុំឲ្យពលរដ្ឋសងលុយដល់ធនាគារ។

នេះជាការបញ្ជាក់ជាថ្មីម្ដងទៀតបន្ទាប់ពីសម្ដេចតេជោ បានលើកឡើងក្នុងកិច្ចប្រជុំគណៈរដ្ឋមន្ត្រីកាលពីថ្ងៃសុក្រទី៧ ខែមេសា ឆ្នាំ២០២៣ ម្សិលមិញ។

សម្ដេចតេជោថ្លែងនៅក្នុងពិធីសំណេះសំណាលជាមួយអាចារ្យ អាចារិនី លើកទី៨ ព្រឹកថ្ងៃទី៨ ខែមេសា ឆ្នាំ២០២៣នេះថា៖ «អ្នកដែលបំផុសបំផុលមិនឱ្យសងធនាគារបើអ្នកហ្នឹងជំពាក់ធនាគារស្នើទៅដល់ធនាគារមីក្រូហិរញ្ញវត្ថុប្តឹងទៅតុលាការរបស់ទ្រព្យសម្បត្តិតែម្ដងទៅ។ [...] កុំឱ្យខូចព្រោះថាជំពាក់លុយគេយកមកមិនសងគេយ៉ាងម៉េច?»៕